Тошкент давлат юридик университетига ректор тайинланди

Хўжaев Бахшилло Камолович Тошкент давлат юридик университетининг ректори лавозимига тайинланди.

Бахшилло Хўжаев 1982 йилда Бухоро вилояти, Бухоро шаҳрида туғилган. Маълумоти олий, ҳуқуқшунос, 2-даражали адлия маслаҳатчиси. 2004 йилда Тошкент давлат юридик институти бакалавр босқичини, 2006 йилда магистратура босқичини, 2018 йилда Нагоя (Япония) университетининг докторантура босқичини тамомлаган.

Меҳнат фаолиятини 2004 йилда “Мезон хусусий хизмати” адвокатлик фирмаси адвокат ёрдамчиси лавозимидан бошлаган.

➖ 2005–2006 йилларда Тошкент туман Қишлоқ ва сув хўжалиги бўлими юридик хизмат мутахассиси;
➖ 2006–2013 йилларда Тошкент давлат юридик институти “Хўжалик ҳуқуқи ва хўжалик процессуал ҳуқуқи” кафедрасининг ўқитувчиси, катта ўқитувчиси, доцент вазифасини бажарувчиси;
➖ 2013–2014 йилларда Тошкент давлат юридик университети Бизнес ҳуқуқи кафедраси доцент вазифасини бажарувчиси;
➖ 2014–2018 йилларда Япониядаги Нагоя университети Қиёсий ҳуқуқ йўналиши докторанти (Doctoral Program in Comparative Law and Political Science);
➖ 2018–2019 йилларда Адлия вазирлиги ҳузуридаги Ҳуқуқий сиёсат тадқиқот институтининг бош маслаҳатчиси, бўлими бошлиғи, директор ўринбосари;
➖ 2019–2020 йилларда Адлия вазирлиги Юридик таълим ва суд-экспертиза фаолиятини мувофиқлаштириш бошқармаси бошлиғи ўринбосари;
➖ 2020–2022 йилларда Тошкент давлат юридик университети Бизнес ҳуқуқи кафедраси мудири, Хусусий ҳуқуқ факультети декани.

Тайинловга қадар (2022 йилдан) Тошкент давлат юридик университетининг илмий ишлар ва инновациялар бўйича проректори лавозимида фаолият кўрсатган.