Сурхондарёда пул маблағларини ўзлаштирган мактаб директори ўринбосари ва собиқ ҳуқуқшунос аниқланди

Сурхондарёда пул маблағларини ўзлаштирган мактаб директори ўринбосари ва собиқ ҳуқуқшунос аниқланди

Бош прокуратура ҳузуридаги Департаментнинг Сариосиё туман бўлими томонидан ўтказилган терговга қадар текширувда, тумандаги “Баркамол авлод” болалар мактаби директорининг хўжалик ишлари бўйича ўринбосари ўқувчиларнинг ота-оналари тўлаган 207,7 млн сўм бадал пулларини банк муассасасига топширмасдан, ўзлаштириш йўли билан талон-торож қилганлиги аниқланиб, текширув давомида етказилган зарарнинг 115 млн сўми ундирилиши таъминланган.

Шу каби, Шўрчи туман бўлими томонидан туман электр тармоқлари корхонасининг мурожаатига асосан ўтказилган терговга қадар текширувда, корхонанинг собиқ ҳуқуқшуноси И.Ж. (муқаддам фирибгарлик ва бошқа жиноятлари учун судланган) 28 нафар фуқаронинг электр энергиясидан қарздорлигини йўқ қилиб бериш эвазига 47 млн сўм нақд пулини қўлга киритганлиги аниқланиб, текширув давомида ўз айбига иқрор бўлиб 2,2 млн сўмни қайтарганлиги процессуал тартибда расмийлаштирилган.

Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (4 )

    GulyaT
    Фирибгарни ушланглар
    Бащарасига муштланглар
    Баланд дордан тушманглар
    Мехмон келса хушланглар
    master
    Shermu bu ? yoʻlbarsmi bu ?
    master
    Surxondaryoda maktab direktorlari maktabdan yer olganlari bor, shuniyam yangilik deb yuribsilarmi ?
    GulyaT
    Хам шеър, хам йулбарсдир
    Дуст баланд, душман пастдир
    Гийбат килманг уртоклар
    Яхши гап хам бир фарздир