Содиқ Сафоев Ўзбекистон регби федерацияси раислигига қайта сайланди

Бугун Ўзбекистон регби федерациясининг навбатдаги ҳисобот-сайлов конференсияси бўлиб ўтди. Унда Ўзбекистон Республикаси Олий Мажлиси Сенати раисининг биринчи ўринбосари, Ўзбекистон регби федерацияси раиси Содиқ Сафоев, Ўзбекистон спорт фахрийлари кенгаши раиси Баҳодир Махситов, Спорт ўйинлари буйича Республика олий спорт маҳорати мактаби директори Жасур Акрамов, шунингдек, федерациянинг Ижроия қўмитаси, вилоятлардаги вакиллари, мураббийлар штаби ва спортчилар иштирок этишди. Конференсияда федерациянинг ўтган даврдаги ҳисоботи кўриб чиқилиб, раҳбарият таркиби шакллантириб олинди.