Сирский Украина Қуролли кучлари бош қўмондони этиб тайинланганидан кейин илк марта баёнот берди
"Кун тартибида янги вазифалар турибди, биринчи навбатда, бу барча ҳарбий қўмондонлик ва бошқарув органлари, қўшинлар ва бўлинмаларнинг ҳаракатларини, фронтнинг халқаро ҳамкорлардан келаётган қуролларга бўлган эҳтиёжини ҳисобга олган ҳолда аниқ ва батафсил режалаштиришдир", — дея таъкидлади Сирский.
"Ҳарбий моддий-техника таъминоти ва кадрлар малакаси муҳим. Украина Қуролли Кучларининг асосий қадрияти ҳарбий хизматчиларнинг ҳаёти ва соғлиғи. Шунинг учун, жанговар топшириқларни бажариш ва бўлинмаларни тиклаш ўртасидаги мувозанатни сақлаш, шунингдек, кадрлар тайёрлашни кучайтириш ҳар қачонгидан ҳам долзарб бўлиб қолмоқда", — дейди Сирский ўз баёнотида.
"Ғалаба қозонишнинг келажакдаги векторларидан бири янги техник ечимларни жорий этиш ва муваффақиятли тажрибани кенгайтириш, масалан, дронлар ва замонавий электрон уруш воситаларини қўллашдир", — дея қўшимча қилди Украина Қуролли кучлари бош қўмондони.
Шуни таъкидлаш керакки, Александр Сирский ҳарбий доираларда топшириқларни бажариш учун аскарларни аямайдиган қаттиққўл генерал сифатида танилган.
