Шаҳзода Уильям Польшадаги ҳарбий базага кутилмаган ташриф билан келди

Шаҳзода Уильям Польшадаги ҳарбий базага кутилмаган ташриф билан келди

Буюк Британия шаҳзодаси Уильям кутилмаганда Польшанинг Украина чегараси яқинида жойлашган Британия ҳарбий базасига ташриф буюрди. Бу ерда у ҳарбийлар ва уларнинг польшалик ҳамкасблари билан учрашди.

Шаҳзода Британия аскарларига кундалик ишлари учун шахсан миннатдорчилик билдирмоқчи эканини айтди.

«Шахсан ўзим келиб, ҳар куни қилаётган ишларингиз учун раҳмат айтишни хоҳладим», деди шаҳзода ҳарбийларга мурожаат қилиб.

«Сиз бу ерда эркинликларимизни ҳимоя қилишда жуда муҳим иш бажаряпсиз, бу жуда муҳим. Уйда ҳамма сизни қўллаб-қувватлайди», дея қўшимча қилди Уильям.

Шаҳзода Уилямнинг Британия ҳарбий контингенти жойлашган Польша жануби-шарқидаги Жешув шаҳрига сафари сир сақланди ва фақат ҳарбий базани тарк этиб, Варшавага қайтгач ошкор этилди.

Жешув Украина чегарасидан бир соатлик масофада жойлашган ва у ерда жойлашган британиялик учувчилар америкалик ва полшалик ҳамкасблари билан биргаликда Полша ҳаво ҳудудини ҳимоя қилади.

Британия тахти вориси матбуот баёнотида, шунингдек, «ўз эшиклари билан бирга қалбларини ҳам очган Полша халқининг илҳомлантирувчи инсонийлиги»га ҳурмат бажо келтирди.

Россиянинг Украинага босқини бошланганидан бери Полша энг кўп украиналик қочқинларни қабул қилди. Мамлакат расмийларига кўра, ҳозир у ерда Украинанинг 1,3 миллионга яқин фуқароси бор.

Шаҳзода иштирокидаги асосий тадбирлар пайшанба куни режалаштирилган: Уилям Варшавадаги Номаълум аскар қабрига гулчамбар қўяди ва президент Анжей Дуда билан учрашади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!