Серхио Рамос ЕЧЛ тарихидаги 10 000-гол муаллифи бўлди
![Серхио Рамос ЕЧЛ тарихидаги 10 000-гол муаллифи бўлди Серхио Рамос ЕЧЛ тарихидаги 10 000-гол муаллифи бўлди](/photos/news/Dwt8Vxw54nWmD07.jpeg)
"Севилья" ҳимоячиси Серхио Рамос Чемпионлар лигаси гуруҳ босқичи 5-тури доирасидаги ПСВга қарши ўйинда гол урди.
37 ёшли испаниялик ўйиннинг 24-дақиқасида ҳисобни очди.
Бу гол турнир тарихидаги 10 000-гол бўлди.
Рамос жамоага қайтганидан сўнг "Севилья" учун биринчи марта гол урган бўлса, бундан аввал охирги марта у 2005 йилнинг 14 майида "Реал"га қарши ўйинда гол урган эди.
Бу футболчининг турнирдаги 16-голидир. Роберто Карлос ва Жерар Пике билан биргаликда у Чемпионлар лигасида ҳимоячилар томонидан киритилган голлар сони бўйича етакчи ҳисобланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).