Сайёрамиз ҳаддан зиёд исимоқда
Миллиардлаб одамлар ҳаддан ташқари иссиқлик эпидемияси, ҳарорат 50 даражадан ҳам кўтарилиши ва ўлимга олиб келадиган жазирама тўлқини ҳолатига дуч келмоқда, деди БМТ Бош котиби Антониу Гутерриш ўзининг “Ҳаракатга чақирув” номли янги маърузасида.
– Кутилмаган баланд ҳарорат дунё иқтисодиётини издан чиқаради, тенгсизликни кучайтиради, БМТ Барқарор ривожланиш мақсадларига путур етказади ва одамларнинг умрига зомин бўлади, – дейилган маърузада. – Бир сўз билан айтганда, Ер тобора исиб, яшаш учун хавфли жойга айланмоқда.
“Ҳаракатга чақирув” БМТнинг ўн ихтисослашган агентлиги тажрибаси асосида ишлаб чиқилган, мислсиз иссиқ таъсирини ёритиб берувчи дастлабки ҳужжат ҳисобланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
