Самарқандда ўзбошимчалик билан электр энегиясидан ноқонуний фойдаланган МЧЖ аниқланди

"Ўзэнергоинспекция" Самарқанд вилоят ҳудудий бошқармаси томонидан ўтказилган назорат тадбирида Самарқанд шаҳрида жойлашган "Д. Б." МЧЖнинг қуввати 34 кВт бўлган электр қурилмалари ҳисоблагичдан ташқари тармоққа улаб, электр энегиясидан ноқонуний фойдаланганлиги аниқланди.

Ушбу қоидабузарлик натижасида дастлабки ҳисоб-китобларга кўра электр таъминоти корхонасига 2 миллиард 680 миллион сўмлик зарар етказилганлиги маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.