Россиянинг Украинадаги ҳужум операциялари суръати камайди — ISW
Россиянинг Украинадаги ҳужум операциялари суръати камайди, Украина Қуролли Кучлари ташаббусни қайтариб олиш имкониятига эга. Бу ҳақда ISW тадқиқотчилари маълум қилди.
Урушни ўрганиш институти таҳлилчилари, Таврид мудофаа кучлари бирлашган матбуот маркази матбуот котиби Алексей Дмитрашковскийнинг баёнотига таяниб, сўнгги ҳафтада Россия кучларининг қуруқликдаги ҳужумлари сони камайганига эътибор қаратишмоқда. Дмитрашовскийнинг фикрича, йўқотишлар туфайли рус армияси маълум даражада ҳужум салоҳиятини йўқотган ва қуруқликдаги ҳужумлар аввалги 90-100 та ўрнига кунига 20-30 тани ташкил этмоқда.
ISW ҳисоботида қайд этилишича, россияликлар ўтган ҳафтада Луганск вилоятида минимал тактик муваффақиятга эришган. Шу билан бирга, украиналиклар қарши ҳужумлар уюштириб, ўз назорати остидаги минтақадаги маълум ҳудудларни қайтариб олишга муваффақ бўлган.
