Россия компанияси Ўзбекистон фуқароларини қонуний тарзда иш билан таъминлаш таклифини билдирди
Ўзбекистон бош консули Жаҳонгир Пармонов Россиянинг "Кейтеринбург" федерал озиқ-овқат компанияси раҳбари Руслан Долженко билан учрашди.
Унда Россияда вақтинча меҳнат фаолиятини амалга ошираётган ватандошлар ҳуқуқий ҳимояси, уларга яратиб берилаётган шарт-шароитлар тўғрисида фикр алмашилди.
Руслан Долженко "Кейтеринбург" компанияси Свердловск вилоятида ўз фаолиятини кенгайтираётганини билдирди. Шунингдек, у янги ташкил этилаётган қувватларга 100 нафарга яқин Ўзбекистон фуқароларини қонуний тарзда иш билан таъминлаш имконияти борлигини маълум қилди.
Мулоқот якунида таклиф этилган бўш иш ўринларига Ўзбекистон фуқароларини жалб этиш мақсадида мамлакат тегишли ташкилотлари вакиллари билан алоҳида учрашув ташкил қилиш тўғрисида келишиб олинди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
