Украина учун жосуслик қилган аёл 14 йилга қамалди

Қрим суди Киевга Россия армияси ҳақидаги маълумотларни узатган Украина фуқаросини 14 йилга озодликдан маҳрум қилди. Бу ҳақда Россия ФҚБ Марказий ҳарбий округи бошқармасига таяниб, «РИА Новости» хабар бермоқда.

Сухачева М.А. жосусликда айбдор деб топилди. У жазони қаттиқ тартибли колонияда ўтайди.

Департамент маълумотларига кўра, украиналик Запорожье вилоятидаги махсус ҳарбий операция вақтида Россия Қуролли кучларининг зенит-ракета бўлинмаларидан фойдалангани ҳақида маълумот тўплаган ва Украина махсус хизматларига топширган. Аниқлик киритилишича, бу маълумотлар Россия Қуролли кучларига қарши ишлатилиши мумкин.