Россия бюджет харажатларининг учдан бир қисмини махфийлаштирган — Bloomberg

24 март ҳолатига кўра Россия бюджетининг махфий харажатлари 2,4 триллион рублгача (31,5 млрд доллар) ошган, бу 2022 йилнинг шу даврига нисбатан икки баравар кўпдир. Бу ҳақда Бюджет тизимининг ягона портали материалларига таяниб, Bloomberg хабар бермоқда.

Харажатларнинг махфий қисми Украинага бостириб кириш ва унинг ҳудудларини қўшиб олиш билан боғлиқ харажатлар ҳисобига ўсган, деб ҳисобламоқда агентлик.

Bloomberg маълумотларига кўра, ўтган йилнинг шу даври билан таққослаганда, мудофаа ва хавфсизлик харажатлари энг кўп ўсган ва ижтимоий дастурлардан кейин иккинчи ўринда турибти.