Қримнинг Россияга қўшилишига ким айбдор? Трамп жавоб берди
"AҚШнинг аввалги маъмурияти Қримнинг Россияга қўшилишига йўл қўйганликда айбдор", деди AҚШ президенти Дональд Трамп Жо Байден билан теледебатда.
Aмалдаги давлат раҳбари сайловдаги рақибини вице-президент сифатидаги паст кўрсаткичларда айблади.
"Aйнан унинг даврида Россия Украинанинг бир қисмини ўзига қўшиб олди", – деди Трамп.
Унинг қўшимча қилишича, унинг президентлиги даврида AҚШ Украинага "ёстиқ" эмас, балки қурол етказиб беришни бошлади.
Бу Трамп Обама маъмуриятини яриморолни Россия назорати остига қайтаришда айблаётган биринчи ҳолат эмас. Олдинроқ Aмерика раҳбари Байденнинг Москвани G7 саммитига таклиф қилмаслик ҳақидаги чақириғига жавобан Россиянинг ушбу ташкилот таркибидан чиқишига унинг халқаро майдондаги ғалабалари сабаб бўлганини таъкидлаган эди. Трампнинг айтишича, Москва Обамани "кучайтирган".
Маълумот учун, Қрим 2014 йил март ойида Украинадаги давлат тўнтаришидан кейин ўтказилган референдум натижасида Россиянинг ҳудудига айланганди. Қрим Республикасидаги сайловчиларнинг 96,77 фоизи ва Севастопол аҳолисининг 95,6 фоизи Россияга қўшилишни қўллаб-қувватладилар. Москва қримликлар ўзларининг қарорларини демократик йўл билан, халқаро ҳуқуқ ва БМТ Низомига тўлиқ мос равишда қабул қилганликларини бир неча бор таъкидладилар. Владимир Путинга кўра, яриморолга эгалик масаласи бутунлай ёпилган.
