Қозоғистон февраль ойида Россия орқали Германияга нефтнинг биринчи партиясини жўнатади
Қозоғистон энергетика вазири Болат Акчулаковнинг маълум қилишича, мамлакат 2023 йил февраль ойининг биринчи ярмида “Дружба” қувури орқали Германияга нефтнинг биринчи партиясини жўнатишни режалаштирмоқда.
"Биз февраль ойининг биринчи ярмида 20 минг тонна нефтнинг биринчи партиясини етказиб беришни режалаштирганмиз", деди вазир.
Нефть Германияга "Дружба" қувури орқали юборилади. 2023 йилда Қозоғистондан Германияга 1,5 миллион тоннагача нефть экспорт қилиш режалаштирилган, энг катта етказиб бериш ҳажми эса 6 миллион тоннани ташкил этади.
Маълумотларга кўра, Германияга экспорт қилинадиган нефть "Қорачаганак" конидан олинади. Аввалроқ Қозоғистондан "Дружба" орқали Германияга нефть транзити "Транснефть" томонидан амалга оширилиши хабар қилинганди.
Россия Энергетика вазирлиги 2023 йилнинг биринчи чорагида 300 минг тонна қозоқ нефтининг Германияга транзитига рухсат берди, деб хабар беради rambler.ru.
