Қирғизистонда теракт тайёрлашда гумон қилинган шахс қўлга олинди

Қирғизистонда МДҲ давлатларидан бирида теракт тайёрлашда гумон қилинган шахс қўлга олинди. Бу ҳақда Миллий хавфсизлик давлат қўмитаси хабар берди. Унинг сўзларига кўра, қўлга олинган шахс «маҳфий террорчилик гуруҳи» аъзоси бўлган, деб ёзади «ТАСС».

Миллий хавфсизлик давлат қўмитаси маълумотларига кўра, ишда иштирок этган шахснинг барча ҳаракатлари мессенжерлар ёрдамида «террорчи ташкилотлардан бирининг эмиссарлари томонидан мувофиқлаштирилган».

Агентлик шунингдек, терактга уринишдан олдин гумонланувчи «халқаро террорчилик ташкилоти етакчисига содиқлик қасамёд қилгани»ни ҳам хабар қилди. Гуруҳ номи ва қўлга олинган шахснинг исми тергов манфаати учун ошкор қилинмаяпти, дейилади Миллий хавфсизлик давлат қўмитаси баёнотида.