Қирғизистон парламенти депутатлари соат минтақасини ўзгартиришни таклиф қилишди
Жогорку Кенеш мажлисида парламент аъзолари Қирғизистонда соат минтақасини ўзгартириш масаласини кўтарди, деб хабар беради Kazinform.
Депутат Миргул Темирбоева “Баткен тонги” газетаси бош муҳаррири Адилбек Акматов ва боткенлик шифокор Нурали Қўйлибоевнинг соат минтақасини бир соат кейинга ўзгартириш ташаббусига эътибор қаратди. Шу билан бирга, у ижтимоий тармоқларда кўплаб фуқаролар ушбу таклифни қўллаб-қувватлаётганини таъкидлади.
Унинг сўзларига кўра, бу ташаббус биринчи навбатда мамлакат фуқароларининг психологик саломатлигини сақлашга қаратилган.
Депутатга кўра, мазкур қарор билан болалар ва ўқувчиларнинг эрта туришиб, таълим муассасалари ва боғчаларга боришга бўлган салбий таъсиридан халос бўлиш мумкин. Шунингдек, таклиф этилаётган чора электр энергиясини тежаш ва шу орқали иқтисодиётга ҳисса қўшиш имконини беради.
Шу муносабат билан Миргул Темирбоева Жогорку Кенеш раисидан Қирғизистонда соат минтақасини бир соат кейинга ўзгартириш масаласини кўриб чиқиш бўйича вазирлар кабинетигага протокол топшириғи беришни сўради.
Депутат Суйинбек Умрзоқов ҳам бу қарорни қўллаб-қувватлади ва давлат ҳокимияти органларига олимлар билан биргаликда мамлакатда соат минтақасини ўзгартириш масаласини кўриб чиқиб, тегишли қарор қабул қилишни таклиф этди.
