Путин Байден ва Трампнинг фарқини айтди

Россия президенти Владимир Путин АҚШнинг собиқ президенти Дональд Трампни "фавқулодда шахсият ва истеъдодли инсон" деб атади. У бу фикрини Американинг NBC телеканалига берган интервьюсида билдирди.

«Ҳозир ҳам мен АҚШнинг собиқ президенти Трамп фавқулодда одам, истеъдодли одам, деб ишонаман, акс ҳолда у АҚШ президенти бўлолмаган бўларди. У ранг-баранг одам. Сизга ёқиши ёки ёқмаслиги мумкин», - деди Россия раҳбари.

Шунингдек, телеканалга берган интервьюсида Путин Трампни унинг вориси, АҚШнинг ҳозирги президенти Жо Байден билан таққослади. Россия президентининг фикрига кўра, Байден, АҚШнинг собиқ президентидан фарқли ўлароқ умуман бошқа одам, Байден сиёсатчи. У деярли бутун ҳаётини сиёсат ичида ўтказди.