Президентнинг 5 ташаббуси ҳақида шеър ўқиган қизчага «Кобальт» автомобили топширилди
Хабарингиз бор, жорий йил 1 июнь куни президент Шавкат Мирзиёев Бўка туманидаги Бўстон маҳалласига ташриф буюриб, туманда 5 та ташаббус доирасида амалга оширилаётган ишлар билан танишган эди. Давлатимиз раҳбари мазкур маҳаллага ташрифи чоғида ҳудудда жойлашган 27-умумтаълим мактабининг 2-синф ўқувчиси Фазилат Ёқубова ўзининг «5 ташаббус» деб номланган шеърини ўқиб берган эди.
Айни пайтда Тошкент вилояти Бўка туманида Президентимиз томонидан илгари сурилган 5 та ташаббус доирасида маънавий-маърифий тадбир ўтказилмоқда, деб хабар бермоқда ЎзА.
Тадбир доирасида Фазилат Ёқубовага президент совғаси – «Кобальт» автомобили топширилди. 19-Болалар мусиқа ва санъат мактабига «Исузу» автобуси берилди.
Президент совғасини Тошкент вилояти ҳокими вазифасини бажарувчиси Рустам Холматов топширди.