Президент Ойда абадий қолмоқчими?

NASA президенти Жеймс Брайденстайн АҚШ Ой юзасида доимо ҳозир бўлиш ниятида эканлигини билдирди. Бу ҳақда xs.uz хабар берди.

Бизнинг бугунги кундаги устувор мақсадларимиздан бири Ойга қайтишдир. Бу сафар биз Apollo экспедицияси пайтидагидек қилмаймиз. Бу сафар Ойда доимо бўлмоқчимиз , - деди Брайденстайн АҚШ Конгресси Вакиллик палатасининг савдо, адлия, илм-фан ва ўз муассасаси билан боғлиқ кичик қўмитасидаги эшитув чоғида.

Бу биз у ерда қолишимизни англатади. Бунда Ой юзасида одамлар доим бўлиши назарда тутилмаяпти. Бу у ерда бизнинг роботлар, луноходлар доим бўлиши, шунингдек, у ерда илм-фан билан шуғулланадиган одамларнинг вақти-вақти билан бориб келишини англатади , - дея изоҳ берган NASA раҳбари.

Яқинда АҚШ вице-президенти Майкл Пенс ҳам Хантсвиллдаги Миллий космик кенгаш йиғилишида АҚШ астронавтлари яқин беш йил ичида Ойга қайтишини маълум қилганди. Американинг Apollo 11 космик кемаси Ойга биринчи марта 1969 йил 20 июлда илк қўнишни амалга оширганди.