Ойда илк бор автомобиль пойгаси ўтказилади

Ойда илк бор автомобиль пойгаси ўтказилади

Ойдаги биринчи автомобиль пойгалари 2021 йилда бўлиб ўтади. Бу хақда “planet-today.ru” хабар берди. 

Мусобақаларда масофадан туриб бошқариш қурилмалари билан Wi-Fi орқали бошқариладиган иккита автомобиль иштирок этади. Ҳар бир машина тахминан 2,5 кг вазнга эга бўлади.

Ойдаги илк пойга учун транспорт воситаларини ишлаб чиқаришни таниқли дизайнер Фрэ Стивенсон бошчилигидаги америкалик ўқувчилардан иборат жамоалар ўз зиммаларига олишади. Улар тайёр бўлгач, “Nova-C” модули ёрдамида Ойга етказилади. Мусобақалар автоуловларга бириктирилган махсус камералар ёрдамида трансляция қилинади.

Қайд этилишича, Ойдаги ушбу пойгалар тарихда биринчиси бўлганлиги боис уларга алоҳида тайёргарлик кўрилади. Автомобиллар ўта оғир шароитларда синовдан ўтказилади, чунки улар бардошли бўлиши лозим. Зеро, Ойда нима бўлиши мумкинлиги номаълум ва ушбу автомобиллар ҳар қандай ҳолатга тайёр бўлиши керак.

АҚШнинг турли ҳудудларидан келган мактаб ўқувчиларидан иборат 6 жамоа Ойдаги пойга мусобақаларида қатнашиш имкониятига эга бўлишган. Шу олти жамоадан пойга машиналарини яратиш ва бошқариш учун энг яхши иккитаси танлаб олинади. Аммо ушбу иккита жамоани танлаш учун барча иштирокчилар бир қатор махсус малакали тестлардан ўтишлари керак бўлади. Улар орасида дрон, компьютер пойгалари ҳамда бошқа кўплаб синовлар мавжуд.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!