Оқ уй: АҚШ Украинага қурол етказиб беришни зудлик билан тиклашга тайёр

Оқ уй матбуот котиби Карин Жан-Пьер АҚШ ҳукумати Украинага қурол етказиб беришни зудлик билан тиклашга тайёрлигини маълум қилди.

У брифингда айтганидек, Америка президенти Жо Байден Конгресс томонидан қабул қилинса, Украина, Исроил ва Тайванга ёрдам кўрсатиш тўғрисидаги қонун лойиҳаларини зудлик билан имзолайди.

“Биз Вакиллар Палатаси, Сенат уларни қабул қилиб, президент столига қўйишини истаймиз. Ва у дарҳол уларга имзо чекади", - дея унинг сўзларини келтиради РИА Новости.

Қонун имзолангандан сўнг Украинага қурол-яроғ етказиб беришни қайта тиклаш вақти ҳақидаги саволга жавоб бериб, у: "Дарҳол, дарҳол", деди.