Олтин нархи бир йиллик максимумга етди. Ўзбекистон яна олтин сотдими?

Жаҳон олтин нархи 1 троя унцияси учун 1 962 долларга кўтарилди. 23 март куни нарх 1 991 долларгача чиққан эди. Бу 2022 йил март ойидан бери энг юқори кўрсаткич.

Олтин нархлари ошиши Ўзбекистонга тўғрида тўғри таъсир қилади. Мамлакат захираларида 12,6 млн троя унция ёки 392 тонна олтин бор. Мамлакат, одатда нархлар юқори бўлса олтин экспорт қилади.

Масалан, январ ойида олтин нархи кўтарила бошлади ва Ўзбекистон 1,2 млрд долларлик олтин экспорт қилди. Февралда нархлар пасайди ва умуман олтин экспорт қилинмади.

Март ойида нархлар бир йиллик энг юқори даражага кўтарилгани ҳисобига Ўзбекистон олтин эскпорт қилган бўлиши мумкин. Ҳаммаси апрел ойи бошида, статистик маълумотлар эълон қилинганда аниқ бўлади.

Троя унцияси қимматбаҳо металлар ва қимматбаҳо тошлар учун ишлатиладиган оғирлик ўлчови ва 31,1 граммга тенг.