Муроджон Аҳмадалиев навбатдаги жангини ўтказади
Профессионал бокснинг биринчи ярим енгил вазн тоифасида собиқ Жаҳон чемпиони, боксчимиз Муроджон Аҳмадалиев мексикалик Кевин Гонсалесга қарши жанг қилади.
Ушбу баҳс 17 декабр тонгида, АҚШнинг Аризона штатида жойлашган "Desert Diamond" аренада ташкил этиладиган бокс оқшоми дориасида бўлиб ўтади
Аҳмадалиев фаолияти давомида 12 та жанг ўтказиб, 11 тасида ғалаба қозонган. Боксчимиз ягона мағлубиятини эса филиппинлик Марлон Тапалесдан қабул қилиб олган ва ушбу учрашувда WBA ва IBF камарларини ҳам бой бериб қўйганди.
Кевин Гонсалес профессионал боксда 26 та жанг ўтказиб, 25 тасида ғалаба қозонган. Битта жангда эса дуранг натижа қайд этган.
Эслатиб ўтамиз, Муроджон иштирокидаги жанг WBA чемпионлик камари учун якуний элиминатор баҳс ҳисобланади. Яъни, жанг ғолиби WBA чемпионлик камари учун жанг қилиш ҳуқуқини қўлга киритади.
