Мбаппенинг укаси ҳам «ПСЖ» билан шартнома имзолади

«ПСЖ» клуби икки нафар ёш футболчи билан шартнома имзоланганини эълон қилди.

Париж клуби сайти хабарига кўра, жамоа юлдузи Килиан Мбаппенинг 14 ёшли укаси Этан Мбаппе «ПСЖ» билан 2024 йилга қадар шартнома имзолаган. Этан бунга қадар клуб академиясида таҳсил олган.

Шунингдек, 14 ёшли иқтидор Сенни Майулу ҳам парижликлар билан 2024 йилга қадар шартнома имзоланган. Икки футболчи ҳам вояга етмагани сабабли шартномага уларнинг ота-оналари қўл қўйишган. Ҳар икки ўйинчи янги мавсумдан Париж клубининг ўсмирлар жамоасида тўп суришади. Ушбу ўсмир футболчилар Франциянинг энг умидли ўйинчилари қаторида эътироф этилган.