Мальдив Эрон билан дипломатик муносабатларини тиклади
Мальдив ороли ҳукумати Эрон билан дипломатик муносабатларни тиклашга қарор қилди, деб хабар тарқатди мамлакат ташқи ишлар вазирлиги.
Баёнотда келтирилишича, Мальдив Республикаси ҳукумати Саудия Арабистони билан Эрон ўртасида дипломатик муносабатларни қайта тиклаш ҳақида эришилган битим бўйича Саудия Арабистони, Эрон ва Хитой биргаликда қабул қилган уч томонлама қўшма баёнотни қўллаб-қувватлайди.
“Ушбу ижобий ва умид уйғотувчи воқеа муносабати билан Мальдив ороли ҳукумати ҳам Эрон Ислом Республикаси билан дипломатик муносабатларни қайта тиклашга қарор қилади”, – дейилади баёнотда.
Мальдив давлати Эрон билан сиёсий муносабатларни 2016 йил 17 майда собиқ президент Абдулла Ямин бошқаруви пайтида узган эди.
Куни кеча Хитой воситачилигида Саудия Арабистони билан Эрон Ислом Республикаси ўртасида дипломатик муносабатлар қайта тикланди.
