Лондон ва Тошкент шаҳридаги халқаро вестминстер университетлари ректорлари ўртасида учрашув бўлиб ўтди
Жорий йилнинг 18 февраль куни Лондон шаҳрида Вестминстер университети ректори Питер Бонфилд ва Тошкент шаҳридаги халқаро Вестминстер университети ректори Комилжон Каримов ўртасида музокаралар бўлиб ўтди.
Музокаралар натижасида томонлар ўртасида юқори таълим сифатини таъминлаган ҳолда кадрларни тайёрлаш бўйича стратегик ҳамкорлик бўйича келишув имзоланди.
Келишувга биноан, Тошкент шаҳридаги халқаро Вестминстер университетида молия технологиялари, бизнес менежмент ва маркетинг йўналишлари бўйича бакалавр, инсон ресурсларини бошқариш ва маълумотлар анализи йўналишлари бўйича магистрлик дастурларини жорий қилиш кўзда тутилган.
Бундан ташқари, томонлар ўртасида давлат хизматчилари, тадбиркор ва жисмоний шахслар учун мўлжалланган қисқа муддатли малака ошириш курс ва тренингларини ташкиллаштиришга келишиб олинди.
Олий ва ўрта махсус таълим вазирлиги
