Kurash–World Series Pro дунё мўъжизалари юртида давом этади

Kurash–World Series Pro дунё мўъжизалари юртида давом этади

Қадимий Нил водийси Ливия саҳроси билан чегарадош ҳудудда, ям-яшил экинзорлару, финикий палмалар ўрнини сап-сариқ қум тепаликлари эгаллайдиган жойда ғайритабиий шамоилдаги тоғлар кўзга ташланади. Бу тоғларнинг қораси жуда узоқдан, бир неча ўн километр узоқликдаги Қоҳира шаҳридан ҳам кўриниб туради.

Ғаройиб кўриниш, геометрик аниқлик, тарихий жозибадорлик, қудратли улуғворлик буларнинг барчаси Миср эҳромларида мужассам. Миср эҳромлари Дунё мўжилари рўйхатига ҳам киритилган.

7-13 июль кунлар Мўжизалар юртида илк бора катта Кураш байрами ташкил этилади.

Кураш бўйича катталар ва ёшлар ўртасида Африка чемпионати ва Kurash – World Series Pro турнирининг Африка қитъаси саралаш босқичларига Қохира шаҳри мезбонлик қилади. Халқаро Кураш ассоциацияси, Африка Кураш иттифоқи, Миср Кураш қўмитаси, Миср Миллий Олимпия қўмитаси ва Ўзбекистон ҳукумати ҳамкорлигида ташкил этилаётган мазкур мусобақаларда қитъанинг энг кучли полвонлари куч синашади.

Кураш баҳслари Қохиранинг энг йирик ва замонавий “Complex Heliopolis” ёпиқ спорт мажмуасида ташкил этилиши режалаштирилган. Мазкур комплекс 1991 йилда қуриб фойдаланишга топширилган бўлиб, 4 та ёпиқ мажмуадан ташкил топган. 16 минг томошабинни ўзида сиғдира оладиган комплекснинг футбол залида FIFA доирасида кўплаб халқаро учрашувлар ўтказилган.

Мусобақа дастурига асосан 7 июл куни Африка Кураш иттифоқининг Бошқаруви йиғилиши ўтказилади. 8 июл куни ҳакамлик ва мураббийлик семинари ва имтиҳонлари бошланади.

9-11 июл кунлари катталар ва ёшлар ўртаси Африка чемпионати бўлиб ўтади.

12 июл куни эса Ўзбекистон Республикаси Президенти соврини учун World Series Pro турнирининг Африка қитъаси саралаш босқичи ўз ғолибларини аниқлайди.

Маълумот учун: Миср Кураш қўмитаси 2022 йилда ташкил этилган ва шу йилнинг ўзида Пуна шаҳрида бўлиб ўтган IKAнинг навбатдаги Конгрессида аъзоликка қабул қилинган.
Кураш бўйича йирик халқаро тадбирларда Мисрда илк маротаба ташкил этилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!