Кўп қаватли биноларда иситиш мавсуми қачон бошланади?
Кунлар совий бошлаши билан кўп фақатли биноларни иситиш муаммоси пайдо бўлади. Айниқса, ёш болали оилалар бундай шароитда шаҳар иситиш тизимининг эртароқ фаолиятини бошлашидан умид қилишади. Хўш, шаҳар иситиш тизими қандай шароитда муддатидан аввалроқ ёқилиши мумкин. Умуман, тизимнинг ишлаш муддати борми?
Кўп квартирали уйларда иссиқлик таъминоти хизматлари кўрсатиш қоидаларига мувофиқ, хоналарни иситиш эҳтиёжлари учун иситиш даври Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланган муддатларда бошланади ва тамомланади, деб ёзмоқда Азон.уз нашри.
Иситиш даври об-ҳаво ҳарорати 5 кун 8°С дан паст бўлганда бошланади ва 8°С дан юқори бўлганда тамомланади.
Демак, иситиш даври бошланиши учун ҳаво ҳарорати 8°Сдан паст бўлиши ва бу паст ҳарорат 5 кун давомида сақланиб қолиши керак.
