Крооснинг хизмати «Ювентус»га таклиф этилди

Футбол агентлари «Ювентус»га мурожаат қилиб, «Реал» ярим ҳимоячиси Тони Кроос билан шартнома имзолашни таклиф қилишди.

34 ёшли футболчининг мадридликлар билан шартномаси 2024 йилнинг ёзида якунига етади, аммо Кроос фаолиятини қаерда давом эттириш борасида ҳали бир қарорга келмади.

«Ювентус» эса айни пайтда қиммат трансферларга қўл ура олмайди. Шунинг учун жамоа эркин агентлар билан шартнома имзолаш орқали таркибни кучайтиришга ҳаракат қилади. Хусусан, «Юве» «Лацио» ярим ҳимоячиси Фелипе Андерсонга қизиқиш билдирмоқда.

Воситаслар Тонини «Ювентус»га таклиф қилган бўлсалар-да, айни пайтда томонлар ўртасида ушбу масалада музокаралар кетмаяпти.