Келгуси ҳафта КХШТ мудофаа вазирлари кенгаши раҳбарлари йиғилади

Келгуси ҳафта КХШТ мудофаа вазирлари кенгаши раҳбарлари йиғилади

Коллектив хавфсизлик шартномаси ташкилотига аъзо давлатлар мудофаа вазирлари кенгашининг навбатдаги йиғилиши 24 май куни бўлиб ўтади.

Бу ҳақда “Арменпресс” КХШТ матбуот хизматига таяниб хабар берди.

Арманистон Республикаси мудофаа вазири Сурен Папикян раислигида кечадиган учрашувда томонлар хавфсизликка таҳдидларни муҳокама қилади.

Онлайн шаклда ташкил этилаётган бу галги анжуманда ташкилотга аъзо мамлакатлар - Беларусь, Қозоғистон, Қирғизистон, Россия Федерацияси, Тожикистон мудофаа вазирликлари раҳбарлари, КХШТ бош котиби ва ташкилотнинг бирлашган штаби раҳбари генерал-полковник Анатолий Сидоров иштирок этиши режалаштирилган.

Йиғилишда 2023 йилга мўлжалланган Коллектив хавфсизлик шартномаси ташкилоти хавфсизлик тизими қўмондонлик-назорат идоралари, кучлари ва воситаларини биргаликда тайёрлаш режаси, низом органларининг қўшма тайёргарлиги бўйича қарор лойиҳалари кўриб чиқилади.

Бундан ташқари иштирокчилар КХШТга аъзо давлатларнинг жамоавий хавфсизлик минтақаларида хавфсизликка таҳдид масаласини ҳам муҳокама қиладилар.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!