Жомадон ичидаги жасад: эркак нега хотинини ваҳшийларча ўлдирди?

Чебоксар фуқароси хотинини ўлдириб, жасадини жомадонга яшириб таксида ўрмонга олиб кетган. Бу ҳақда Россия Федерацияси Кенгаши матбуот хизмати хабар берди.

Ҳуқуқ-тартибот идораларига аёлнинг йўқолиши ҳақида отаси маълум қилган. Унинг сўзларига кўра, қизи шу йилнинг 8 сентябрида ғойиб бўлган. Бирор жойга бориш ёки яшаш жойини ўзгартиришга ҳеч қандай сабаб йўқлиги боис терговчилар “қотиллик” асосида жиноят ишини очдилар.

Текширув давомида ҳуқуқни муҳофаза қилиш органлари ходимлари турар-жой биноси олдида ўрнатилган видеокамераларни текширишди. 8 сентябрь куни соат 22:30 атрофида улар катта сумкани олиб, таксига ўтираётган аёлнинг турмуш ўртоғига ўхшаш эркакни кўришади.

Улар аёлнинг эрини сўроқ қилишга қарор қилишади. Натижада, у хотинини ўлдирганига иқрор бўлади ва жомадонни кўмган жойни кўрсатади. Марҳуманинг бўйнида эса арқон бор эди.

Қўлга олинган шахснинг айтишича, қотиллик ажралиш билан боғлиқ жанжал сабабли юзага келган. Маст ҳолатда бўлганлиги учун у хотинига бир неча марта қаттиқ мушт туширган ва кейин уни арқон билан бўғиб ўлдирган.