Жавлонбек Умархўжаев Uzbekistan Airports бошқаруви раиси этиб тасдиқланди

Биласизми? / Юртимизда
A A A
Жавлонбек Умархўжаев Uzbekistan Airports бошқаруви раиси этиб тасдиқланди

Иқтисодиёт ва молия вазирлиги қарорига мувофиқ, Жавлонбек Умархўжаев Uzbekistan Airports АЖ бошқаруви раиси этиб тасдиқланди. Бу ҳақда АЖ матбуот хизмати хабар берди.

Маълум қилинишича, ​Жавлонбек Умархўжаев 2023 йил 9 августдан бери бошқарув раиси вазифасини вақтинчалик бажарувчи лавозимида компанияга раҳбарлик қилаётган эди.

У меҳнат фаолиятини 2008 йилда “Ўзбекистон ҳаво йўллари” Миллий авиакомпаниясида бошлаган. 2009—2018 йилларда МАК авиация хавфсизлиги бошқармаси бошлиғи бўлган.

2018—2021 йилларда “Ўзбекистон темир йўллари” АЖнинг “Тошкент-Шарқ” лойиҳасини амалга ошириш бўйича капитал қурилиш дирексияси бошлиғи ўринбосари ва техник директори лавозимларида ишлаган. 2021—2023 йилларда Uzbekistan Airports акциядорлик жамияти бошқаруви раисининг операцион фаолият бўйича биринчи ўринбосари лавозимида ишлаган.

Киритилди: 19:18 21.06.2024. Ўқилди: 898 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!