Жанубий кореялик қария “суши” сабаб қўлларидан ажралди

71 ёшли жанубий кореялик нафақахўр суши ресторанидаги тушликдан сўнг кучли заҳарланди ва бунинг оқибатида шифокорлар унинг қўлини ампутация қилишга мажбур бўлдилар. 

Гап шундаки, қария ресторанда тушлик қилганидан 12 соат ўтиб унинг кафти шишиб кетади. Зудлик билан шифохонага мурожаат қилади. Шифокорлар унинг хом балиқларда учрайдиган Vibrio Vulnificus бактериясидан заҳарланганини аниқлашади. Шундан сўнг шифокорлар эркакнинг қўлидаги шикастланган тери қатламини олиб ташлашади ва антибиотиклар ёзиб бергач, уйга жавоб беришади. Лекин орадан 25 кун ўтгач қариянинг аҳволи яхшиланиш ўрнига баттар оғирлашади. Тўқималардаги некроз(чириш)нинг юзага келиши оқибатида шифокорлар энди унинг қўлларини елкасига қадар ампутация қилишга мажбур бўлишади.