Италиялик боксчи Анжела Карини жазоирлик рақибасидан узр сўради
Италиялик боксчи қиз Анжела Карини жазоирлик Иман Хелифдан узр сўради.
Улар Париж Олимпиадасининг 1/8 финалида ўзаро тўқнаш келишди. Италиялик боксчи 1-раундда жангни тўхтатди ва баҳсни давом эттиришни истамаганди.
"Юз берган ҳолатдан афсусдаман. Хелиф учун ҳам афсусдаман. Агар ХОҚ унга мусобақада қатнашишга рухсат берган бўлса, мен бу қарорни ҳурмат қилишим керак. Қўл бериб сўрашишни рад этганим - ўша вазиятда Олимпиададаги йўлим тугаганидан қаттиқ ҳафа бўлдим.
У ва бошқалар олдида узр сўрамоқчиман. Хелифга қарши хеч қандай қусуматим йўқ. Агар биз учрашиб қолсак, уни қучоқлаб қўяман", - деди Анжела Карини.
Матнда хатолик топсангиз, ўша хатони белгилаб, бизга жўнатинг (Ctrl + Enter).
