Путиннинг Доналд Трампга инаугурация муносабати билан йўллаган мурожаати

Россия президенти Владимир Путин АҚШ президентлигига сайланган Доналд Трампни инаугурация билан табриклади ва унга Москва Россия-Украина уруши бўйича янги маъмурият билан "мулоқотга тайёр" эканлигини билдирди.
Трамп Украинадаги қарийб уч йиллик урушни тугатишга ваъда берган.
2017 йилдан 2021 йилгача Оқ уйда биринчи муддатини ўтаган келаётган президент, 2020 йилги президентлик сайловларида ғалаба қозонганда Украинадаги урушни "24 соат ичида" тугатиши мумкинлигини бир неча бор таъкидлаган. Шунингдек, у қайта сайланса, Путин билан музокаралар олиб бориб, Украинадаги урушга тезда чек қўйишини ҳам такроран айтган.
"Энг муҳими, инқирозларнинг асл сабабларини бартараф этишдир," деди Путин Россия давлат оммавий ахборот воситаларида эфирга узатилган ва Телеграмда хабар қилинган баёнотида.
Ўтган ойда Кремль Путинни Трампнинг инаугурациясига таклиф қилинмаганини маълум қилган эди.
Трампни табриклашдан олдин, Россия раҳбари асосан Россиянинг Украинага кенг кўламли бостириб кириши туфайли Вашингтон ва Москва ўртасидаги муносабатларнинг ёмонлашгани учун вазифасини топшираётган президент Жо Байденни танқид қилди.
Трампнинг Россия ва Украина ўртасида тинчлик битимини тезда ҳал қила олиши ҳақидаги даъволарига тўхталар экан, Россия етакчиси "бу минтақада яшовчи барча халқлар ва миллатларнинг қонуний манфаатларини ҳурмат қилишга асосланган узоқ муддатли тинчлик" истаётганини билдирди.
"Вазиятни ҳал қилишга келсак, яна бир бор таъкидламоқчиман: унинг мақсади қисқа муддатли сулҳ ёки кучларни қайта тўплаш ва қайта қуролланиш учун танаффус бўлмаслиги керак, чунки бу кейинчалик можарони давом эттиришга олиб келади," деди у.
Трамп урушда ҳам Россия, ҳам Украина ён беришини таклиф қилган. Киев Москвага ҳудудни топшириш бўйича ҳар қандай таклифни рад этган, Путин эса Украинадан НАТО ҳарбий иттифоқига қўшилиш режаларидан воз кечишни талаб қилган.