“Иссиқ-совуқ”дан қандай ҳимояланиш керак?
— Садақа сеҳр-жодудан асрайдими? Сеҳр-жоду, “иссиқ-совуқ”дан қандай ҳимояланиш керак?
— Сеҳр-жодудан сақланиш учун садақадан кўра бошқа амаллар тавсия қилинади. Сеҳрдан сақланиш учун аввало, Аллоҳга бўлган иймонни мустаҳкам қилиш, У Зотнинг иродасисиз бандага ҳеч қандай зарар етмаслигига қаттиқ ишониш, кўп зикр қилиб юриш керак.
Шунингдек, Бақара сураси сеҳрдан ҳимоя қилиши ҳадиси шарифларда келган. Айниқса, Курси ояти ва сура охиридаги икки оят инсонни турли бало-офатлардан сақлайди. Шу билан бирга Фалақ ва Нос сураларини ўқиб, киши ўзига дам солиб юрмоғи керак. Таъкидлаш керак бўлган нарса шуки, мазкур сура, оят ва дуолар зарар кўргандагина эмас, балки бир мўмин-мусулмон кунда ўқиб, ўзига дам солиб юриши керак бўлган зикрлардир. Валлоҳу аълам.
Одинахон Муҳаммад Содиқ
