“Ҳумо” муҳим ғалабани қўлга киритди

Хоккей бўйича Қозоғистон мунтазам чемпионати доирасида “Арлан” ва “Ҳумо” ўртасида сўнгги, бешинчи ўйин ўтказилди.

Кокшетау шаҳридаги “Бурабай Арена”да ўтказилган мазкур учрашувнинг асосий вақти ҳамда овертайм 2:2 ҳисобидаги дуранг билан якунланди. Буллитлар сериясида эса “Ҳумо” жамоаси ғалаба қозонди. Шу тариқа, пойтахтимиз клуби сафарда мусобақа пешқадамини 2:3 ҳисобида енгди.

Маълумот учун, “Ҳумо” хоккей клуби мунтазам чемпионатда 75 очко билан иккинчи поғонада бормоқда. Энди “Ҳумо” навбатдаги икки ўйинини Тошкентда ўтказади. Дастлаб, 7 февраль куни “Ҳумо Арена” мажмуасида “Номад”га қарши баҳс олиб борса, 9 февраль куни “Актобе”ни синовдан ўтказади.