Ҳоландни сотиб олмоқчи бўлган клуб 400 млн евро сарфлаши керак – манба

Marca нашри Дортмунднинг «Боруссия» клуби ҳужумчиси Эрлинг Ҳоланднинг келажаги ҳақида материал чоп этди.

Матнда айтилишича, 21 ёшли норвегиялик футболчининг бўлажак клуби у учун 400 миллион еврогача сарфлаши керак.

Бу суммага форварднинг трансфери, унинг 2027-йилгача бўлган шартномаси бўйича маоши, шунингдек, футболчининг отаси ва агенти Мино Райола учун тўловлар киради.

Жорий мавсумда Ҳоланд “Боруссия” сафида 13 та ўйин ўтказиб, 17 та гол урди ва 4 та голли узатмани амалга оширди.