"Ҳеч ким украиналикларнинг ўзидан кўра кўпроқ украиналик бўла олмайди" - Борис Жонсон

Борис Жонсоннинг фикрича, Украина тинчлик эвазига ўз ҳудудларидан воз кечмаслиги, мамлакат ҳудуди 24 февралгача бўлган чегаралар ичида тикланиши керак. У бир қатор Европа газеталарига берган интервьюсида шундай баёнот берди.

"Биз украиналикларга стратегик қаршилик кўрсатишда ёрдам бериш кераклигига ишончимиз комил. Лекин ҳеч ким украиналикларнинг ўзидан кўра кўпроқ украиналик бўла олмайди. Бу уларнинг инқирози ва улар қандай ҳаракат қилишни ўзлари ҳал қилишлари керак. Мамлакат суверенитети ва хавфсизлиги ҳимоя қилиниши керак", — деб таъкидлади Буюк Британия бош вазири.