General Motors бутун дунё бўйлаб Chevrolet Spark ва Nexia (Aveo) автомобилларини ишлаб чиқаришни тўхтатади

Неxia/Aveо тез орада тарихга кириши 2018 йилда маълум бўлганди. Ўшанда “Chevrolet” компаниясига эгалик қилувчи “General Motors” енгил автомобиллар ишлаб чиқаришдан воз кечиш ва асосий эътибор кроссоверлар, йўлтанламаслар ва электромобиллар қаторини кенгайтиришга қаратилишини эълон қилганди. “Chevy Spark” AҚШ бозорида 2022 йилги модел йили тугагандан сўнг ишлаб чиқариш тўхтатилади. Камлитражни ишлаб чиқариш 31 август куни GMнинг Жанубий Кореядаги Чангвондаги заводида якунланади.

Шу фактларни ҳисобга олган ҳолда, Ўзбекистонда ҳам Chevrolat Spark va Nexia автомобилларини ишлаб чиқаришни тўхтатиш мантиқан тўғри. GM томонидан ушбу моделларнинг глобал конвейерлардан олиб ташланиши ушбу автомобиллар учун бутловчи қисмларни ишлаб чиқаришни, шунингдек, уларни янада техник такомиллаштиришни тўлиқ тўхтатилишини англатади.

“Ҳамёнбоп нархда қулайлик, функционаллик ва услубни излаётган мижозлар Chevrolet'нинг ихчам йўлтанламаслари ичида яхши танлов имкониятига эга бўлишда давом этишади”, деди компания матбуот котиби Кевин Келли.

Бу қадам ажабланарли эмас, чунки GM бир неча йиллардан буён машҳур бўлмаган автомобиллардан воз кечмоқда. Детройт автомобиль ишлаб чиқарувчиси аввалроқ Chevy Cruze, Sonic ва Impala автомобилларини ишлаб чиқаришни тўхтатиб, ўз рўйхатида учта автомобилни қолдирганди: Samaro, Corvette ва Malibu.

"Бу GMнинг, худди маҳаллий рақобатчилари каби, кўпгина автомобилларини ўз қаторидан олиб ташлаш тенденциясига мос келади, – деди “Cоx Automotive” компаниясининг ижрочи таҳлилчиси Мишел Кребс Spark ишлаб чиқаришни тугатиш ҳақидаги баёнотида. – Spark савдолари ҳеч қачон катта бўлмаган ва тушиб кетган”.

2021 йилда GM атиги 24 459 дона Spark сотди, бу ўтган йилга нисбатан 27 фоизга кам. Тўртинчи чоракда GM 1500 дан кам автомобил сотди. GM 2012 йилда Spark'ни AҚШ бозорига чиқарган.

Chevrolet Nexia “клонлари” билан ҳам вазият худди шундай – Ҳиндистон каби энг йирик бозорларда сотувлар 2011 йилда 140 тага тушиб кетган.

"CОVIDдан аввалги даврда Chevy Spark автомобили ҳар чоракда 5,000 дан 11,000 гача сотиларди, бу одатда чоракда ярим миллионга яқин автомобил сотадиган бренд учун океандаги томчидир”, деди Кребс.

“Kelley Blue Book” нашрига кўра, Spark Aмериканинг энг арзон автомобили бўлган, энди Mitsubisi Mirage ўртача 16 600 доллар нархда ушбу номга эга бўлади.