Газпром орқали Россия жуда катта зарарга кириши кутилмоқда

Украинанинг Россияга ҳужуми туфайли Европага газ етиб бормай қолиши мумкин. Европа бунга вараинтлар тайёрлаб қўйганми?

Словакия газ етказиб берувчиси SPP'нинг айтишича, Европа газ харидорлари консорциуми транзит шартномаси муддати тугагач, Россия-Украина чегарасида газни ўз қўлига олиши мумкин, аммо бу қандай содир бўлиши номаълум.

Яна бир вариант - Газпром газнинг бир қисмини бошқа йўналиш орқали, масалан, Турк оқими, Болгария, Сербия ёки Венгрия орқали етказиб беради. Бироқ, бу йўналишлар орқали ўтиш имконияти чекланган, деди SPP Реутерс агентлигига.

Европа Иттифоқи ва Украина, шунингдек, Озарбайжондан Россия билан газ транзити бўйича келишув музокараларига кўмаклашишни сўради, деди Реутерс агентлигига Озарбайжон президенти маслаҳатчиси, лекин у қўшимча маълумот беришдан бош тортди.

Европа Иттифоқи газ импортини диверсификация қилишга ҳаракат қилмоқда ва 2027 йилга бориб Озарбайжон гази импортини икки баробарга, йилига камида 20 миллиард кубометрга етказиш бўйича келишув имзолади, бироқ маслаҳатчи буни амалга ошириш учун инфратузилма ва молия ҳали ҳам мавжуд эмаслигини айтди.

Бироқ, Озарбайжоннинг ички истеъмоли ўсиши кутилаётган бир пайтда, Энергй Аспеcтс таҳлилчилари қўшимча экспорт учун бор-йўғи 1,7 млрд. кубометр газни кўраётганини ва Европага газ етказиб бериш учун захира қуввати камлигини айтади.

ГАЗПРОМ ҚАНЧА ДАРОМАДАН ЙЎҚОТАДИ?

2025 йилда Европага газнинг ҳар 1000 куб метри учун ўртача нархи 320 доллар бўлиши кутилаётганига кўра, экспорт тўхтатилса, Россия йилига 4,5 миллиард доллар йўқотиши мумкин.

Газпром маълумотларига кўра, унинг Украина орқали Европага бир кунлик экспорти ҳозирда 40 миллион куб метрдан ошади.