Ғалла ортилган илк кема Одессадан жўнаб кетди

Ғалла ортилган илк кема Одессадан жўнаб кетди

Таъкидланишича, биринчи кема Одесса портидан соат 8:30 да жўнаб кетган.

Ғалла ортилган биринчи кема бугун, 1 август куни Москва вақти билан соат 8:30 да Украина портидан жўнаб кетди. Бу ҳақда РИА Новости Туркия Мудофаа вазирлиги маълумотларига таянган ҳолда хабар бермоқда.

“Биринчи кема Одесса портидан соат 8:30 да жўнаб кетди”, - дейилади хабарда.

Туркия президентининг расмий вакили Иброҳим Калин аввалроқ Украинадан ғалла ташиш 1 августдан бошланиши мумкинлигини айтган эди.

Вазиятдан хабардор манбанинг РИА Новости агентлигига айтишича, Истанбулдаги мувофиқлаштириш маркази вакиллари йўлдошлар ёрдамида кеманинг ғалла билан ўтишини кузатиб боради.

22 июл куни Истанбулда Россия маҳсулотларини экспортга етказиб беришдаги чекловларни бекор қилиш ва Украина ғалласини экспорт қилишда Россия томонидан ёрдам кўрсатиш бўйича кўп томонлама битимлар имзоланди. Россия, Туркия, Украина ва БМТ вакиллари томонидан имзоланган келишув Украина ғалласи, озиқ-овқат ва ўғитларини Қора денгиз орқали учта портдан, жумладан Одессадан экспорт қилишни назарда тутади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!