Франция футбол федерацияси Аргентина футболчилари устидан FIFА'га шикоят қилади

Франция футбол федерацияси (FFF) Аргентина терма жамоаси футболчиларининг франциялик футболчиларга нисбатан айтган ирқчилик сўзлари юзасидан шикоят билан FIFAга мурожаат қилади.

Аргентиналик футболчи Энцо Фернандес ўзининг ижтимоий тармоғидаги жонли эфирида 2024 йилги Америка чемпионатининг Маями (АҚШ)даги финал ўйинида Колумбияни қўшимча бўлимда мағлуб этиб (1:0) чемпион бўлганидан сўнг муваффақиятини нишонлагани ҳақидаги таассуротлари билан ўртоқлашди.

Аргентиналик футболчилар жонли эфирда Франция терма жамоасидаги африкалик ўйинчиларга қарши ирқчи сўзлардан иборат қўшиқнинг бир неча сатрини куйлашди.

Франция матбуоти хабарига кўра, FFF воқеа юзасидан FIFAга шикоят қилишга қарор қилган.