Европанинг 7 давлати Шимолий Кореяни қуролсизлантирмоқчи
G7 (G7) мамлакатлари раҳбарлари Шимолий Кореяни тўлиқ ядросизлантиришни амалга оширишга, шунингдек Вашингтон билан мулоқотни қайта бошлашга чақиришди. Бу ҳақда Британиянинг Корнуол графлигида уч кунлик саммит якунида қабул қилинган ҳужжатда айтилади, деб ёзади “ТАСС”.
"Биз Корея ярим оролини тўлиқ ядросизлантиришни ва БМТ Хавфсизлик Кенгашининг барча тегишли қарорларига мувофиқ, Корея Халқ Демократик Республикаси (КХДР) томонидан тасдиқланадиган, ноқонуний равишда оммавий қирғин қуроллари ва баллистик ракеталарни қайтариб бўлмайдиган тарзда тарк этишга чақирамиз", дейилади ҳужжатда.
2018 йилдан бери АҚШ ва КХДР Шимолий Кореяни ядросизлантириш бўйича музокаралар олиб бормоқда. АҚШнинг собиқ президенти Дональд Трамп ушбу масала бўйича келишувга эришилган тақдирда республикадан санкцияларни олиб ташлашга тайёрлигини айтганди. Бироқ, 2019 йил октябрь ойида бўлиб ўтган сўнгги музокаралар муваффақиятсиз тугади, бу Пхеньянда эълон қилинган, аммо Штатларда рад этилди. Декабрь ойида КХДР ядросизланиш масаласида Қўшма Штатлар билан қўшимча мулоқотга муҳтож эмасликлари ҳақида хабар берган эди.
