Эрдўған: қочқинларнинг Сурияга қайтиши учун шароитлар яратилмоқда
Туркия суриялик қочқинларнинг ватанларига ихтиёрий қайтиши учун инфратузилмани шакллантирмоқда. Бу ҳақда президент Ражаб Тоййиб Эрдўғон пайшанба куни Истанбулда мамлакат кичик ва ўрта бизнес вакилларига мурожаат қилиб, маълум қилди.
Давлат раҳбари Туркия ҳукумати ноҳукумат ташкилотлар кўмагида аввалроқ Сурия ҳудудида юз минглаб сурияликларнинг эҳтиёжлари учун уйлар қурганини эслатди.
Айни пайтда Сурия шимолида Қатар кўмагида миллион қочқинни жойлаштириш учун уйлар қурилиши давом этмоқда.
“Бир кун аввал Туркия ИИВ раҳбари уйларни қўйиш маросимида иштирок этди”, — деди Туркия раҳбари.
Сиёсатчининг таъкидлашича, Туркия ҳукумати қочқинларни йўлдан оздирмоқчи эмас, балки муҳожирларнинг ўз ватанларига ихтиёрий қайтиши учун шарт-шароит яратган Германия, Франсия ва АҚШ тажрибасидан фойдаланмоқда.
Айни пайтда Туркия матбуоти Сурия ҳудудидаги уйлар Қатар тараққиёт жамғармаси кўмагида уч йил ичида қурилиши ҳақида хабар тарқатди. Гап 240 минг турар-жой бинолари ҳақида бормоқда.
