Дмитрий Песков Россия расмийларини Украинадаги уруш узоқ давом этиши ҳақида огоҳлантирган
Дмитрий Песков Россия расмийларини Украинадаги уруш узоқ давом этиши ҳақида огоҳлантирган
The Guardian нашрининг манбаларга таяниб ёзишича, Владимир Путиннинг матбуот котиби 2022 йил декабри охирида россиялик юқори мартабали амалдорнинг квартирасида бўлиб ўтган кечки овқатда шундай огоҳлантириш билан чиққан.
Нашр суҳбатдошларидан бирининг сўзларига кўра, қадаҳ кўтариб нутқ сўзлар экан: "Мендан нимадир дейишимни кутаётгандирсиз. Барчаси анча қийинлашади. Бу жуда ва жуда узоқ вақт давом этади", — дея таъкидлаган Песков. Бошқа меҳмонлар эса ўзларининг қадаҳ сўзларида тинчлик ва нормал ҳаётга қайтишга умид қилишларини билдиришган.
Газетанинг ёзишича, Песковнинг сўзлари шахсий суҳбатларда урушга қарши чиққан меҳмонларнинг кайфиятини бузган. "Унинг нутқини тинглаш ёқимсиз эди. У уруш ҳали узоқ вақт давом этиши ва биз бунга тайёр бўлишимиз кераклиги ҳақида огоҳлантиргани аниқ эди", — дейди The Guardian суҳбатдоши.
Песков Буюк Британия газетасининг нашр этган ушбу маълумотига ҳозирча изоҳ бермади.
