Даҳшат! “Кўк кит” ўйинининг давомчиси чиқди

Даҳшат! “Кўк кит” ўйинининг давомчиси чиқди

"The Mirror" нашрининг хабар беришича, машҳур "Кўк кит"нинг давомчиси дея аталаётган “МОМО” деб номланган ўйин тармоқда оммалашиб бормоқда.

Айтилишича, болаларга “WhatsApp” мессенжери орқали МОМО тахаллусини олган номаълум одам ёзади. Аввалига у болаларга турли зўравонлик саҳналари акс этган тасвирларни жўнатади, ундан кейин эса ўз кўрсатмаларини бажаришини сўрайди. Агар бола рад этса, МОМО таҳдид қила бошлайди.

Бу ўйин ҳақидаги биринчи маълумот мексикаликлар томонидан эълон қилинди. Табао штатидаги (Мексика) киберхавфсизлик бўйича экспертлар таъкидлашича, ўйин болаларнинг руҳига салбий таъсир қилади ва аллақачон ўз жонига қасд қилиш ҳоллари кузатилган. Ўйиннинг мураббийлари WhаtsАpp орқали фойдаланувчиларнинг шахсий маълумотларини билиб олади ва болаларни ўз жонига қасд қилишга ёки зўравонликка мажбур қилишади.

Аргентинада ушбу ўйин туфайли ўз жонига қасд қилиш ҳодисаси аллақачон қайд этилди. Бола видео томоша қилганидан ва МОМО билан ёзишганидан сўнг ўз жонига қасд қилган.

Ўйин кураторининг аватарида рассом Мидори Хаяшининг “Vanilla Gallery” учун ишланган қўрқинчли ҳайкалларидан бирининг сурати жойлаштирилган.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!