Бишкек суди Kloop Media фондини тугатишга қарор қилди
Бишкек суди Қирғизистоннинг Kloop мустақил нашри юридик шахси бўлган Kloop Media фондини тугатишга қарор қилди, деб хабар бермоқда «Озодлик» радиоси.
Жамғарманинг таъқиб қилинишига ўтган ёзда қўзғатилган даъво сабаб бўлган. Унда Бишкек прокурори Эмилбек Абдиманнапов Kloop нашрларининг аксарияти «салбий хусусиятга эга бўлиб, давлат ва муниципал органлар вакилларини обрўсизлантиришга қаратилган»лигини таъкидлади. Бундай ҳаракатлар Қирғизистоннинг сохта нарсалар тўғрисидаги қонунига тўғри келади.
Kloop нашрининг сайти Қирғизистонда 2023 йил сентябрида блокланган эди. Мамлакат Маданият, ахборот, спорт ва ёшлар сиёсати вазирлиги сайтни блоклашни талаб қилган. Бунга Kloop мухолифатдаги сиёсий фаолларнинг тергов изоляторларида қийноқларга солингани ҳақидаги нашрлари сабаб бўлган.
Kloop нашри 2007 йилда ташкил этилган.
