АҚШда шериф судьяни отиб ташлади
Кентукки штатининг Летчер округида судья Кевин Муллинс ўз офисида отиб ўлдирилди. Округ шерифи Микки Стинес қотилликда айбланиб, ҳибсга олинди, дея хабар беради The Mountain Eagle.
Воқеа кеча, 19 сентябрь куни содир бўлган. Айтилишича, шериф судьянинг қабулхонасига кириб, у ерда йиғилган ходимлардан уларни тинч қўйишни сўраган. Кейин иккаласи офисга кириб эшикни ёпдилар, шундан кейин у ердан ўқ овозлари эшитилди. Кейин Микки Стинес қўлларини юқорига кўтариб ташқарига чиқди ва полиция ходимларига таслим бўлди.
Қотиллик сабаблари расман аниқланмаган. AP нашрининг ёзишича, бунга суд биносида шериф ва судья ўртасидаги жанжал сабаб бўлган. Шериф биринчи даражали қотилликда айбланган. Полиция воқеа содир бўлган Уайтсбургдаги асосий кўчани ўраб олди. Маҳаллий матбуотнинг хабар беришича, бир қанча маҳаллий мактаблар ҳам қисқа муддатга ёпилган.
Кевин Муллинс 2009 йилдан бери Кентукки штатининг 47-округ суди судьяси бўлиб ишлаган. У адлия тизими ходимлари учун гиёҳванд моддаларни даволашни тарғиб қилиш билан машҳур эди. У Кентукки штатининг камида 50 округи томонидан қабул қилинган гиёҳванд моддаларни даволаш дастурини ишлаб чиқишда ёрдам берди.
