"Вашингтон иттифоқчиларига Россия ва Украина ўртасида тинчлик келишувига эришишга қаратилган таклифларни тақдим этди, уларнинг таркибида ҳарбий ҳаракатларни тўхтатиш ва Москва томонидан барқарор сулҳга риоя қилиниши эвазига санкцияларни юмшатиш шартлари ҳам мавжуд", деб ёзади Bloomberg агентлиги.
Европалик амалдорларнинг маълум қилишича, Қўшма Штатлар режасининг умумий мазмуни пайшанба куни Парижда бўлиб ўтган учрашувда тақдим этилган. Унда АҚШ Давлат котиби Марко Рубио, президентнинг махсус вакили Стив Уиткофф, Франция президенти Эммануел Макрон, шунингдек, Франция, Германия, Буюк Британия ва Украинанинг хавфсизлик бўйича маслаҳатчилари ҳамда музокарачилари иштирок этган.
Қўшма Штатларнинг таклифи можарони амалда “музлатиб қўйиш”ни назарда тутади. Агентлик суҳбатдошларининг таъкидлашича, унда Россия томонидан эгаллаб олинган Украина ҳудудлари Москва назоратида қолиши белгиланган. Украина томонидан NATO'га аъзо бўлиш истаги эса кўриб чиқилмайди. Bloomberg манбалари муҳокама махфий характерга эга бўлгани сабабли батафсил маълумот бермаган.
Россиянинг Украина ҳудудларини босиб олиш ҳолати сақланиб қолган бир пайтда санкцияларни юмшатиш ҳақидаги таклиф Киев иттифоқчиларида хавотир уйғотмоқда, деб ёзади Bloomberg . Евроиттифоқ санкцияларини олиб ташлаш, жумладан Россия активларини музлатишни бекор қилиш учун барча аъзо давлатларнинг розилиги талаб этилади.
Эстония ҳарбий-денгиз кучлари ва НАТО авиацияси Болтиқ денгизида Россия портига йўл олган Габон байроғи остидаги нефть танкерини қўлга олишга уриниш қилди. Воқеа Фин қўлтиғи сувларида юз берди.
"Левада-центра" ўтказган сўров шуни кўрсатдики, россияликлар келгиндиларга нисбатан жуда салбий муносабатда: улардан келадиган зарар фойдасидан анча кўп деб ҳисоблашади, 70 фоизи эса ҳукумат муҳожирлар оқимини чеклашини истайди.
Нашр мухбири маълумот беришича, Истанбулдаги музокараларда Россия делегацияси, жумладан Владимир Мединский, Украина томонига Харкив ва Суми областларини босиб олиш билан таҳдид қилган.
АҚШ 2025 йил охирига қадар Европа қитъасидаги ҳарбий контингентини қисқартириш бўйича музокараларни бошлайди. Бу ҳақда НАТОдаги АҚШ доимий вакили Мэттю Уитакер маълум қилди.
АҚШ президенти Доналд Трамп Саудия Арабистони, Қатар ва Бирлашган Араб Амирликларига (БАА) қилган ташрифлари натижасида Америка иқтисодиётига 12-13 триллион доллар миқдорида сармоя киритиш бўйича келишувларга эришилганини маълум қилди.
Нодавлат ташкилот ҳисоботига биноан, 2022 йил 24 февралдан буён Россия қуролли кучлари Украинанинг 25 та меҳмонхонасига 31 марта ҳужум қилган. Ушбу меҳмонхоналар асосан фронт чизиғига яқин ҳудудларда - Харков, Донетск, Днепропетровск, Одесса ва Киевда жойлашган.
Сотувчи М.О. фуқаро Р.М.га кучли таъсир қилувчи дори воситасини шифокор рецептисиз сотган вақтида ушланиб, ундан 13 турдаги дори воситалари ва тиббий буюмлар ашёвий далил сифатида олинган.
Президент Маҳмуд Аббос таъкидлашича, мамлакат ичкариси ва ташқарисидаги фаластинлик қочқинлар сони 7 миллион кишига етди. Бу ҳақда WAFA агентлиги хабар берди.